علاج الاسهال عند الاطفال

اهم حاجه لازم تعرفيها عن الاسهال عند الاطفال

عارفين ان اكتر من 50 فى الميه من الحالات اللى بتشتكى من

من ان اطفالهم عندهم اسهال مش بيكون الطفل بيسهل ولا حاجه وان طبيعى جدا ان قوام البراز و لونه وعدده و كميته يتغيروا من فتره للتانيه حسب الاكل و السوايل اللى بيخدها الطفل وحسب المناخ وقتها.

طيب عارفين بقى ان 90 فى الميه من حالات الاسهال اللى هى اسهال فعلا مش بتحتاج اى علاج وان المطهرات المعويه و المضادات اللى بتكتب عمال على بطال ممكم جدا تضر الطفل و تزود الاسهال وكمان تقلبه لمزمن مش بتقلله .

طيب عارفين ان الداكتره ميهمهش الاسهال يقف ولا لا و اساسا المفروض ميحاولوش ابدا يعطوا لطفل اي ادويه توقف الاسهال او تمسك بطنه زي ما الامهات بتقول.

علاج الاسهال عند الاطفال

اهم حاجتين لازم تتابعين عند طفلك لو عندو اسهال

القىء الترجيع الطفل لو بيسهل ولو عشرين مره مدام مفيش قىء وان قادرين نعوض الفاقد يبقى تمام ولا يهمنا.

البول طول ما الطفل بيجيب بول كويس معناه ان السوايل فى جسمه مش متاثره و مدخلش فى مرحله الجفاف.

طول ما الحاجتين دول طبيعين يبقى نفضل متطمنين ان شاء الله .

علاج الاسهال عند الاطفال 2019

ايه هو علاج الاسهال الاساسى

هو الاكل والشرب بمعنى نظبط اكله و نعوضه السوايل بس مش اكتر،،فى اكتر من 90 فى الميه من حالات الاسهال بدون مبالغه.

و المفروض طبيا ان مفيش مطهر معوى من غبر تحليل براز لا لون البراز ولا شكله ولا رحته يدل على اي حاجه ولا سبب كافى ان الطفل ياخد علاج او مطهر.

لازم نعرف ان اي طفل عنده برد طبيعى جدا ان يكون عنده اسهال ما هو الفيروس بيضرب الاعشيه المخاطيه للجهاز التنفسي و هيضرب بردو الجهاز الهضمى و زي ما احنا عارفين ان البرد ملوش علاج كزلك الاسهال ملوش علاج.

طب لو اسهال اخضر بردو عادي مفيش مطهر معوي.

اسهال فيه مخاط اسهال ريحته وحشه بردو عادي مفيش مطهر معوي.