طرق خلع البامبرز للأطفال - الاستغناء عن الحفاض

  • Sayed
  • ازاى اخلع لابنى البامبرز 

    موضوع مهم جدا، امتى ابتدى اعود ابنى يخلع البامبرز؟ 
    امتى ابتدي التمرين على البوتى ؟
    اعرف منين انو جاهز ؟
    طرق خلع البامبرز للأطفال - الاستغناء عن الحفاض
    طرق خلع البامبرز للأطفال - الاستغناء عن الحفاض


    اولا لازم اعرف حاجتين و اعرف افرق  بينهم ..

    امتى طفلى يعرف يتحكم فى البول؟ و امتى يعرف يتحكم فى البراز و هو صاحى او و هو نايم ؟
    عموما مفيش سن محدد و الموضوع بيختلف من طفل للتانى ..


    1. الطفل بيتحكم فى البراز من سن سنه و نص لسن سنتين و نص .
    2. الطفل بيتحكم فى البول بالنهار و هو صاحى من سن سنتين لسن 3 سنين .
    3. الطفل يتحكم فى البول بالليل و هو نايم من سن 3 الى 4 سنين و فى اطفال بتتاخر عن كدا شويه .
    طرق خلع البامبرز للأطفال - الاستغناء عن الحفاض
    طرق خلع البامبرز للأطفال - الاستغناء عن الحفاض


    لابد ان يظهر علامات تشير ان الطفل مستعد للتعلم 

    علامات جسمانيا و عصابيا و نفسيا ولابد ايضا ان تتوافر الشروط التاليه قبل ان نبدء التدريب :

    انو يكون بيعرف يمشي كويس جدا من غير ما يوقع متمكن من المشي و الجري كمان لان دا يشير ان جهازه العصبي اتطور بصوره كافيه و مفيش مشاكل فى الحبل السرى 
    ان الوقت الحمام  بيدي مؤشر ازاي يعنى بياخد جمب بيبصلك بيسكت عن الكلام و اللعب .

    انه يقدر يقعد ساعتين كاملين طول النهار من غير ما يبل نفسه و دا بيشير الى قدره المثانه على استعاب و تخرين البول بداخلها فنقوم بمراقبه الطفل حتى نصل الى الوقت اللى يقعد فيه ساعتين من غير ما يبل نفسه و يجب ان نعرف ان اي محاوله قبل ذلك دون فائده .

    انه يطلب بعد ما يعمل انو بغير يعنى يجيب البامبرز النظيف وعايز يلبسه عايز يقلع 
    ان الطفل يكون قادر على الفهم تعالى خد هات دي امسك ومش هينفع نعلم طفل من غير ما يكون بيفهم لانو هيفهم البوتى ازاي اصلا .

    ان الطفل يكون عنده القدره على ربط الاشياء ببعضها ةعارف استخدام الحاجه دي فى ايه مثلا عارف ان الشاحن للموبايل ان المفتاح للباب كدا عشان يعرف ان البوتى للحمام 
    ان الطفل يكون حركته طبيعيه ميكونش طفل عنده فرط حركه .

    ان الطفل يكون قادر على الجلوس فتره مثلا من 3 الى 5 دقائق عشان يكون عنده صبر يقعدهم على البوتى .

    لازم نعلم الطفل كلمه يعرف ان معناه ان يعمل حمام و يفضل يكون قبل ما تبتدي تدربيه لان ممكن يكون الطفل عنده استعداد يقعد و عارف يمسك نفسه بس مش عارف يعبر عن دا ازاى .

    ان الطفل فى بدايه التدريب و التعود ميكونش بيعانى من اسهال مزمن او امساك مزمن لازم المشاكل دى تتعالج اول .

    ان الطفل ميكونش بيعانى من التهاب فى البول او ديدان فى البراز مفيش داعى لتحاليل لو مش ملاحظه .


    طرق خلع البامبرز للأطفال - الاستغناء عن الحفاض
    طرق خلع البامبرز للأطفال - الاستغناء عن الحفاض

    ملاحظه
    اهم حاجه لازم نعرفها ان الموضوع مش بالسن و انو بيختلف من طفل للتانى و بلاش مقارنات لو طفلك بينطبق عليه الشروط دى اتفضلى ابدأى التدريب 
    التخلص من البامبرز

    عمليه التدريب على البامبرز بتحتاج من 3 اسابيع الى 3 شهور و ممكن اكتر ويا ربت نختار وقت مناسب بدون مقاطعه يعنى ممينفعش نفصل فى النص و لازن يكون الموضوع ممتع للطفل و ليس عقاب و انما وقت ممتع فيه فرح و مرح و راحه ونعلم الطفل ان دي حاجه حلوه وانو كدا شبه الكبار و انو شاطر ،، 


    اولا مرحله التدريب على التبرز 

    و دى الطفل بيكون لابس البامبرز زي ما هو ليل نهار 

    خطوات التدريب 

    اولا لازم نعمل الطفل كلمه يعرف ان معناه الحمام زي بيبي كاكا بوتى وفى كل مره نغير الحفاض بنقولها عشان يعرف انها لكدا 

    ثانيا نضبط  التبرز يكون فى وقت معين مثلا 3 مرات فى اليوم فى نفس الوقت لمده سبع ايام و تقعد الطفل حوالى خمس دقائق و يراعى عدم اجباره يعنى لو عايز يقوم نقومه عادى عشان ميفهمش ان دا عقاب .

    بعد ما الطفل يتعود على التبرز فى البوتى ابتدى اعمله التبول ايضا و يفضل بفصل كام يوم و ناخد بالنا اننا لسه ماقلعناش الطفل البامبرز لسه بيه و ممكن يعمل فيه تانى منزعلش و نتحلى بالصبر.


    مرحله التدريب على البول

     و دي اللى بنقلع الطفل فيها البامبرز بالنهار فقط 

    فى الاسبوع الاول بيتم وضع الطفل كل نصف ساعه على البوتى لمده خمس دقائق 
    فى كل مره الطفل بيتبول فيها فى الحمام بنقوم بتشجيعه و التصفيق له و التهليل و ان اخطا و عمل على نفسه لا نعاتبه ولا نعاقبه و لكن نقول معملتش المره دى معلش تعمل المره الجايه و هكذا 

    نبدا بزيادة الوقت تدريجيا يعنى فى نهايه الاسبوع الاول كل ساعه نعرض عليه الحمام مش كل نصف وفى الاسبوع التانى كل ساعه و نصف و فى الاسبوع الثالث كل ساعتين و كل شويه نقول ل الطفل فيه حمام و هكذا حنى يتعود الطفل بنفسه.

    خطوات التدريب 


    مرحله التدريب على البول بالليل بمعنى خلع الحفاضه ليلا و نهار.
    نبقى حفاضه الليل حوالى 4 اشهر من بدء التدريب على التبول .

    ناخذ الطفل للحمام قبل النوم مباشرو بعد النوم بساعه و فى نصف الليل 
    منع الطفل من شرب السوائل قبل النوم بساعتين ،
    لو صحى الطفل جاف يومين تلاته ولا بعض يبقى نقلع الحفاظ مع الاخذ فى الاحتياط بوضع غطا نايلون عاى مرتبه السرير.


    طرق خلع البامبرز للأطفال - الاستغناء عن الحفاض
    طرق خلع البامبرز للأطفال - الاستغناء عن الحفاض

    ملاحظات هامه 


    1. خلى لبس طفلك وقت التدريب سهل و يفضل نكون فى الصيف عشان كدا بحيث انو لو اتزنق يجرى على الحمام و ميحتاجش لوقت فى القلع .
    2. نبدا بالبوتى (القصريه) و بعدين قاعده الحمام .
    3. نخلى الطفل يشوف صور اطفال بيقعدوا على البوتى و نفهمه ان دى حاجه حلوه .
    4. نخلى البوتى قريب مننا عشان لو اتزنق بالليل .
    5. يا ريت نعلم اطفالنا يقفلوا باب الحمام عشان نعودهم على الحياء .
    6. فى النهايه المده ممكون تتطول شويه و اهم حاجه الصبر.




    اشتركـ لتكون عضواً في الموقع